Игорь Иванович Бабанов

КАБИНЕТ

Вы здесь:

Игорь Иванович Бабанов / Блог / Коротка История Карпатской Руси

27 июня 2016, 18:06, автор - хозяин блога
Игорь Иванович Бабанов

Коротка История Карпатской Руси

Карпаты – старе гнiздо славянских народов
Горы Карпаты были старым гнездом всего славянства. В Карпатах схоронилися славянскы племена в бурных часах великого переселения народов, от IV до VI столетия християнской еры. Тиснены с запада и сiвера вандровными германскыми племенами, с востока все новыми волнами финско-тюркскых племен из Азии, а с юга, от Дуная, легионами догоравшой Римской империи, славяне, котры не были захвачены потоками двигавшыхся по Eвpoпi народных масс, нашли убiжище в Карпатах горах и тут продержалися через найгрознiйший час переселения народов.
Но с часом народны массы, втягнены в переселенческий поток, або погибли в страшных войнах, або отплыли дальше на юг в предiлы Римской империи, опорожняючи огромны просторы земли. Тогди славянскы племена начали розселятися с Карпат во вci стороны на тоты опорожнены и больше урожайны земли.
От VII столiтия, коли головна масса славянского населения отплыла от Карпат, на землях нынiшной Карпатской Руси осталося сильне племя хорватов, или бiло-хорватов. Хорваты занимали предгорья Карпат от Вислы до Днiстра и за Карпатами земли нынiшной Восточной Словакии и Подкарпатской Руси.
Часть карпатскых хорватов перешла за Дунай на территорию Византийской империи, в нынiшну Хорватию и Далмацию. Их потомкы сохранили до сего часу свою стару назву хорватов.
Задунайскы хорваты створили на початках свою власну хорватску державу. Но находичися на пограничу, где стыкалися западно-латинска и восточно-грецка цивилизации, они не могли сохранити свою державну независимость. Они были занадто малочисленны и слабы, штобы выдержати такий сильный натиск с двох сторон. Але всетаки задунайским хорватам удалося сохранити до сего часу певну степень автономии, хотя на протягу многых столiтий находилися в предiлах той або другой из суciдных держав.
О бiло-хорватах, оставшыхся в Карпатах, историчны жерела упоминают аж до конца X столiтия. А потом их имя исчезат. Они так само нашлися на пограничу между организовавшимися в тых часах русском, польском и венгерском державами и на стыку западной и восточной цивилизации. Створити свойой державы они не были в силi. Их земля стала скоро предметом борьбы между русскыми, польскыми и венгерскыми володiтелями.
Лемкы, по всей вiроятности, являются в значной части потомками тых старых карпатскых бiло-хорватов. На то указуют, меже иншым, и гдеякы языковы особенности, сохранившыся як у лемков, так и у нынiшных хорватов. Но Карпатскы горы и в слiдуючы столiтия служили для славянского населения мiсцем убiжища перед дикыми наiздниками. Так, наприм., в часах страшного татарского погрома население Червонной Руси глядало спасения в Карпатах. Из того выходит, што население нынiшной Карпатской Руси треба признати за потомков як тых старых славянскых племен, котры осталися тут послi славянского розселения, так и позднiйшых русских переселенцев из Галичины и другых частей русской земли.
До свою розселения с Карпат славянскы племена мали одну или дуже близку бесiду, и при иншых историчных условиях могли дуже легко объединитися в один народ. Но поселившися на новых землях, они подпали под вплыв неодинаковых условий и постепенно отдалялися языком и культуром одны от других. Piшаюче значение при том мал тот факт, што одны из них приняли латинску, а другы византнйску церковну организацию и культуру. Так на сiвep от Карпат под вплывом тых разных культур сформовалися с часом русский и польский народы. Славянскы племена, хотры подпали под вплыв Рима, вошли в склад польского народа, а из другых славянскых племен под вплывом восточной византийской культуры утворился русский народ. Часть потомков старых бiло-хорватов под дiйствием тых историчных сил вошла в склад польского народа, коли друга часть того самого племени осталася при Руси.
Итак, история Карпатской Руси ест история той части восточно-славянскых, то-ест русскых племен, котра осталася в Карпатах на запад от рiкы Сяна, як тоже и за Карпатами, и через долгы столiтия в тяжкой борьбi сохранила по сей день свою народну назву и стару культурну связь с русским мipом…